mércores, 2 de maio de 2018

CHARLA-OBRADOIRO DE PERIFÉRICAS: MULLERES NO MUNDO ISLÁMICO

En novembro de 2017 recibimos na Biblioteca a Carmen Vidal Valiña, antiga alumna deste centro agora radicada en Tánxer,e principal artífice da Escola de Feminismos Periféricos. Fixémola vir para impartir un obradoiro sobre o papel da muller no mundo islámico, aproveitando que tivemos e temos alunado de orixe marroquí nas nosas aulas.
O obxectivo era tratar de desmontar algúns tópicos sobre os que se asentan os prexuízos de cara ás culturas mulsumás. As charlas foron dirixidas ao alunado de 3º e de 4º da ESO, co obxecto de tratar de normalizar a convivencia entre distintas culturas e confesións. Valoramos moi positivamente a experiencia e o obradoiro realizado a partires dos titulares de prensa, que case exclusivamente amosan unha perspectiva monolítiica e reduccionista en todo canto atinxe ao mundo musulmán.
Na biblioteca quedaron ademais un par de exemplares do seu libro de investigación El mundo árabo‑islámico como ellas nos lo contaron: Las periodistas de TVE en Oriente Medio y en el norte de África.

Enlaces en:







Share:

0 comentarios:

Publicar un comentario